Japoniianyń kóptegen aýdanynda koronavirýs juqtyrý jaǵdaiy buryn bolmaǵan qarqynmen ósýde. Bul týraly Japoniianyń Ekonomikany qalpyna keltirý isteri jónindegi ministri Iasýtosi Nisimýra málim etti, dep habarlaidy The Japan Times.
Ministrdiń aitýynsha, sońǵy aptalarda COVID-19 klasterleri ámbebap dúkender, shashtaraz jáne mektepter siiaqty buryn anyqtalmaǵan jerlerde shoǵyrlanýda.
«Eldiń kóptegen aýdandarynda koronavirýs juqtyrýdyń buryn bolmaǵan qarqyny baiqalýda. Tek astanada ǵana emes, sonymen qatar Kansai men soltústiktegi Kanto óńirlerinen bastap el boiynsha koronavirýs juqyrý jaǵdailary buryn bolmaǵan qarqynmen kóbeidi», - dep málimdedi Nisimýra.
Sonymen qatar el biligi koronavirýs infektsiiasyn juqtyrý jaǵdailary týraly habarlaýda. Rekordtyq kórsetkishter: Tokioda 3 865 juqtyrý jaǵdaiy, Kanagavede 1 164, Saitamede 964 jáne Chibede 506 koronaviýs juqtyrý jaǵdaiy tirkelgen.
Japoniianyń Ulttyq juqpaly aýrýlar institýty «delta» úndi shtamynyń qazirgi kezde Tokio astanalyq óńirindegi juqtyrý jaǵdailarynyń 70 paiyzynyń sebepshisi bolady dep boljaǵan.
