Japoniia Densaýlyq saqtaý ministrliginiń seisenbi kúni taratqan málimetine sáikes, elde 100 jastan asqandar sany rekordtyq 86510 adamǵa jetti, dep habarlaidy QazAqparat Kyodo agenttigine silteme jasap.
Ministrlik taratqan málimet boiynsha, biylǵy jyldyń 15 qyrkúieginde elde uzaq jasaǵan adamdar sany bir jyl burynǵy kórsetkishterge qaraǵanda 6060 adamǵa kóbeigen. Ósim 51-shi jyl qatarynan saqtalyp keledi.
Uzaq ómir súrýshi 86 510 adamnyń ishinde áielder 88,4 paiyzdy (76 450) qurap otyr. Bul ótken jylǵy kórsetkishten 5 475 adamǵa kóp.
1963 jyly Japoniiada uzaq ómir súretinder sany 153 adam bolǵan, 1981 jyly bul kórsetkish 1000 adamnan, al 1998 jyly – 10 myń adamnan asqan. Osynyń barlyǵy negizinen meditsinadyq tehnologiialar salasyndaǵy jetistikterdiń arqasy ekeni atap ótiledi.
Shilde aiynda ministrlikten Japoniiada ómir súrýdiń ortasha uzaqtyǵy 2020 jyly eki jynys ókilderi úshin rekordtyq sanǵa: áielder úshin – 87,74 paiyz, er adamdar úshin – 81,64 paiyz jetkenin málimdedi.
Japoniianyń ońtústik-batysyndaǵy Fýkýokanyń 118 jastaǵy (1903 jyly dúniege kelgen) turǵyny Kane Tanaka – eldegi eń kári áiel. Ol Ginnestiń rekordtar kitabynda jasy eń úlken adam bolyp tanylǵan. Al 111 jastaǵy Mikizo Ýeda – Japoniianyń eń kári er adam.
