Japoniia úkimeti koronavirýs pandemiiasynan zardap shekken týrizm indýstriiasyn jandandyrý maqsatynda saiahattaýshylardyń shyǵynyn ishinara óteýdi sheshti, dep habarlaidy Kyodo agenttigi.
1,35 trillion ien (12 milliard AQSh dollarynan astam) bólingen Go To Travel bastamasy aiasynda Japoniia úkimeti saiahattaýshylarǵa kúnine 20 myń ienge (185 AQSh dollary) jýyq sýbsidiia berýdi sheshti.
Sýbsidiialar saparlar qunynyń jartysyn jabady jáne demalýshylar jaqyn ornalasqan meiramhanalar men dúkenderde paidalana alatyn úlken jeńildikter men vaýcherler beriledi. Bastama shilde aiynyń sońynda iske qosylatyny kútilýde.
Japoniia sapar qunynyń jartysyn óteitini týraly bastamany estigennen keiin áleýmettik jeli paidalanýshylary onyń sheteldik týristerge de qatysy bar degen oiǵa kelgen. Biraq, shyn mánisinde olai emes.
Forbes-tiń jazýynsha, Japoniianyń bul jobasy COVID-19 pandemiiasynan keiin el ishinde saiahattaýdy yntalandyrýǵa baǵyttalǵan jáne memleket aýmaǵynda saparlaityn japoniialyqtarǵa ǵana qatysty.
Kyodo koronavirýs el týrizmine eleýli áser etkenin atap ótedi. Sebebi Tokioda Olimpiada keiinge qaldyryldy, tiisinshe sheteldik týrister de kelmeidi.
Tokyo Shoko Research zertteýine sáikes, 31 qonaqúi biznesi bankrot bolǵanyn jariialady.
Osy aptanyń basynda premer-ministr Sindzo Abe Tokioda jáne onyń mańaiynda, sondai-aq Hokkaidoda tótenshe jaǵdai rejimi alynǵanyn málim etti.
