Japoniianyń birneshe kompaniiasy jaz mezgilinde adamdar ózderin jaily ári qaýipsiz sezinýi úshin salqyndatqysh áseri bar qorǵanysh maska ázirleýdi bastap ketti. Bul týraly Kyodo News agenttigin.
Japoniiada jáne álemniń basqa da elderinde jazda qoldanýǵa bolatyn maskaǵa degen suranys tez ósip jatyr.
Mamyr aiynyń sońynda Mizuno korporatsiiasy jeńil atletikaǵa arnalǵan jáne shomylý kiimin tigýge qoldanylatyn jumsaq materialdan jasalǵan maskany satýdy bastady.
935 ien (8,5 AQSh dollary) turatyn ónim úlken tanymaldyqqa ie boldy. Sonymen qatar, onlain-satylymnyń alǵashqy kúninde 20 000 danasy satyldy.
Badminton, tennis jáne basqa da sport túrleriniń arnaiy kiimin shyǵaratyn Yonex Co. kompaniiasy shilde aiynyń basynan bastap quramynda ksiliti bar «Very Cool» materialdarynan jasalǵan maskany satylymǵa shyǵarady. Ksilit jylýdy sińiredi. Mundai material badmintonnan japon quramasyna, sondai-aq kásibi tennisshilerge arnaiy kiim tigý úshin qoldanylady.
«Koronavirýstan qorǵaý úshin adamdar maskany uzaq taǵyp júretindikten bizdiń tehnologiia paidalanýshylarǵa, eń bolmaǵanda, ystyq aýa raiynda «salqyn» rejimin ustap turýǵa múmkindik beredi dep úmittenemiz», - dep málimdedi Yonex ókili.
Kompaniia maskany 840 iennen satýdy josparlap otyr.
Uniqlo jelisiniń operatory Fast Retailing Co. kompaniiasy jazda jasalǵan dem alýǵa múmkindik beretin jáne tez kebetin materialdy qoldana otyryp, maska satýdy bastaidy.
