Japoniialyq kompaniia meditsina qyzmetkerleri arasynda koronavirýske shaldyǵý oqiǵalarynyń sanyn azaitý maqsatynda PTR-test júrgizetin robottalǵan júieni qurastyrýda, dep habarlaidy «QazAqparat».
Japoniialyq BAQ-tardyń málimetinshe, robottalǵan júie birneshe robottan turatyn bolady. Birinshisi adamnan analiz alady. Ekinshisi biomaterialdy zertteý qurylǵysyna salady. Al úshinshisi reagenttermen jumys isteidi.
Robottardy «Kawasaki Heavy Industries» jáne «Sysmex»-tiń birlesken kompaniiasy oilap tapqan jáne olar osynda qurastyrylmaq.
Japoniia kompaniiasynyń ókilderi atap ótkendei, basty element naýqastardan analiz alý bolyp tabylady. Sebebi bul dárigerlerge COVID-19-ǵa PTR-testileýdi qashyqtan júrgizýge múmkindik beredi. Bul, óz kezeginde indetti juqtyryp alý qaýpin azaitady.
Robottardyń óndirisi qolǵa alynǵan Kobe qalasynda bilik ókilderi kompaniiaǵa 460 myń dollar kóleminde qarjylai kómek kórsetpek. Sondai-aq aýrýhanalar men ózge de mekemelerde synaq alańdaryn usynady.
