Japoniia Qazaqstanǵa koronavirýsty anyqtaýǵa arnalǵan testilerdi tegin beredi. Bul týraly «Habar 24» telearnasynan aitty, dep habarlaidy "Ult aqparat".
Japoniianyń Infektsiialyq aýrýlar boiynsha ulttyq institýty qazaqstandyq zerthanalarǵa koronavirýsty anyqtaýǵa arnalǵan testilerdi tegin tapsyrady. Qazaqstan Elshiliginiń ókilderi kúnshyǵys eliniń dárigerlerimen kezdesý ótkizip, osyndai kelisimge kelgen.
Elimizge Japoniiada turatyn otandastarymyz da kómektesip jatyr. Osy rette «Marbi Treiding ink» kompaniiasynyń bas direktory Ábdibek Qalybek Qazaqstanǵa 200 qorǵanys kostiými men 5 myńnan asa meditsinalyq maska berip jiberdi. «Pars Aýto» kompaniiasynyń menedjeri Erkebulan Ápsemet te Otanyna 4 myńnan astam betperde jóneltken. Gýmanitarlyq júkti «Tokio – Nur-Sultan» tikelei reisimen qazaqstandyq áýe kompaniia tegin jetkizdi. Sonymen qosa, respýblikamyzdyń Japoniiadaǵy elshiliginiń ókilderi beinekonferentsiia uiymdastyrǵan. Oǵan Qazaqstannyń Densaýlyq saqtaý ministrligi men Japoniianyń infektsiialyq aýrýlardyń ulttyq isnstitýtynyń qyzmetkerleri qatysqan. Taraptar koronavirýsty emdeý ádisterimen almasyp, onlain konsýltatsiialardy jalǵastyrýǵa kelisti.
«Búginde Japoniiada koronavirýsty juqtyrǵandardyń sany myńnan asady. Infektsiiany shetelden alyp kelgender kóp. Aldaǵy birneshe apta Japoniia úshin kúrdeli kezeń bolýy múmkin. Óitkeni bul - virýstyń jańa túri. Sondyqtan onymen qalai kúresetinimizdi bilmeimiz. Ár el tiisti sharalardy qabyldap, zertteýler júrgizip jatyr. Osy rette biz ortaq konsýltatsiialar ótkizip otyrýymyz kerek», - dedi Japoniianyń aýrýlardy baqylaý jáne aldyn alý ortalyǵynyń direktory Norio Omagari.
