Juma kúni eldiń Densaýlyq saqtaý ministrligi Japoniia osy jyldyń sońyna qarai adamdarǵa koronavirýsqa qarsy úshinshi vaktsinany engizýdi bastaýy múmkin ekenin málimdedi, dep habarlaidy QazAqparat Kyodo agenttigine silteme jasap.
Úkimettiń densaýlyq saqtaý salasyndaǵy sarapshylary úshinshi vaktsinatsiianyń qajettiligimen kelisip, ministrliktiń ekinshi dozany alǵannan keiin kem degende segiz aidan keiin adamdardy vaktsinalaýdy bastaý josparyn maquldady.
Yqtimal revaktsinatsiia qarasha aiynan bastalýy múmkin, bul kezde úkimet vaktsinalanýǵa quqyǵy bar barlyq adamǵa ekpe salýdy aiaqtaýǵa nietti.
Densaýlyq saqtaý, eńbek jáne áleýmettik qamtamasyz etý ministrligi úsh dozanyń barlyǵy bir óndirýshiden bolýy kerek dep málimdedi, biraq qorytyndy jasamas buryn ol qosymsha zertteýlerdi qarastyrady.
Qazirgi ýaqytta Japoniiada Pfizer Inc., Moderna Inc. jáne AstraZeneca Plc kompaniialary ázirlegen COVID-19-ǵa qarsy úsh vaktsina bar, árqaisysy eki dozadan engiziledi.
Zertteýler kórsetkendei, ekinshi vaktsina engizilgennen keiin alty aidan soń COVID-19 antideneleriniń sany azaiady, al Delta nusqasyna qarsy vaktsinanyń tiimdiligi ýaqyt óte kele tómendeidi.
