Májilistiń jalpy otyrysynda «Qazaqstan Respýblikasynyń keibir zańnamalyq aktilerine janýarlarǵa jaýapkershilikpen qaraý máseleleri boiynsha ózgerister men tolyqtyrýlar engizý týraly» zań jobasyn talqylaý kezinde qandai jaýapkershilikter qarastyrylǵany aityldy, dep habarlaidy QazAqparat.
Atap aitqanda, jalpy otyrysta «Janýarlarǵa jaýapkershilikpen qaraý týraly» zań jobasy birinshi oqylymda maquldandy.
Zań jobasynyń negizgi erejelerin iske asyrý úshin qoldanystaǵy zańnamalyq aktilerge ózgerister men tolyqtyrýlar engizý usynyldy.
Atap aitqanda, túzetýler Qylmystyq kodeksiniń 316-babyna sanktsiialardy ulǵaitý arqyly janýarlarǵa qatygezdikpen qaraǵany úshin qylmystyq jaýapkershilikti kúsheitýge baǵyttalǵan.
«Birinshi bólimde janýardyń mertigýine ákep soqqan qatygezdigi úshin 120 ailyq eseptik kórsetkishke deiin aiyppul jáne 30 táýlikke deiin qamaýǵa alý kózdelgen. Ekinshi bólimde janýardyń ólimine ákep soqqan qatygezdigi úshin 200 ailyq eseptik kórsetkishke deiin aiyppul jáne 50 táýlikke deiin qamaýǵa alý eskerilgen», - dedi Ekologiia, geologiia jáne tabiǵi resýrstar ministri Serikqali Brekeshev.
«Jergilikti memlekettik basqarý jáne ózin-ózi basqarý týraly» Zańda oblystardyń, respýblikalyq mańyzy bar qalalardyń, astananyń máslihattarynyń úi janýarlaryn esepke alý, jansyzdandyrý tártibin bekitý jónindegi quzyreti keńeitildi.
«Veterinariia týraly» Zańda jergilikti atqarýshy organdardyń janýarlardy jansyzdandyrý tártibin aiqyndaý, aýlaýǵa jáne jansyzdandyrýǵa jatatyn janýarlardyń tizbesin bekitý jónindegi quzyreti keńeitildi.
«Janýarlar dúniesin qorǵaý, ósimin molaitý jáne paidalaný týraly» Zańda birkelki uǵymdar belgilengen jáne baqylaý-qadaǵalaý fýnktsiialary máseleleri jónindegi zańnama jetildirilgen.
