Qazaqstandyq shahmatshy Jansaia Ábdimálik Germaniianyń álemge áigili «Baden-Baden» klýbymen kelisimshartqa qol qoidy, dep habarlaidy "Ult aqparat" Qazaqstannyń Shahmat federatsiiasyna silteme jasap.
«Baden-Baden» áielder klýby klassikalyq shahmattan da, jyldam shahmattan da álem chempiony atanǵan eń myqty shahmatshylardy qataryna qosyp keledi.
Elitalyq klýbtyń quramynda: Hoý Ifan (Qytai), Anna jáne Mariia Mýzychýktar (Ýkraina), Aleksandra Kosteniýk (Resei), Antoaneta Stefanova (Bolgariia) siiaqty myqtylar bar.
«Baden-Badenniń» erler komandasy da osal emes: Fabiano Karýana, Maksim Vashe-Lagrav, Vishvanatan Anand, Levon Aronian, Petr Svidler siiaqty sańlaqtar da osy klýbtyń músheleri.
2019/2020 jylǵy maýsymda Jansaia komandalastarymen birge 11 týr oinaidy, sodan keiin 2020 jyldyń mamyrynda Býndesliganyń jeńimpazy anyqtalady.
Jansaia birinshi týrda shved qyzy Inna Agresti jeńip, Germaniiadaǵy mansabyn sátti bastady.
«Baden-Baden» komandasynyń kapitany jas ári myqty shahmatshyny qataryna qosyp alǵanyna qýanyp otyrǵanyn jetkizdi.
