Ózine Qazaq style laqap atyn tańdap alǵan qazaqstandyq kásipqoi boksshy Jánibek Álimhanuly (7-0, 2 KO) kelesi jekpe-jegin 9 qarashada ótkizedi, dep habarlaidy "Ult aqparat".
Bul týraly boksshynyń menedjeri Berik Sultan facebook paraqshasynda jazdy.
«9 qarasha. Álem taǵy da QAZAQ STYLE-dy tamashalaidy», - dep jazdy Berik Sultan.
Eske sala ketsek, sońǵy aiqasynda Jánibek Álimhanuly 27 ret jeńiske jetken qarsylasyn nokaýtqa túsirgen bolatyn. Orta salmaqtaǵy on raýndqa sozylǵan aiqasta Álimhanuly kanadalyqty besinshi raýndta tehnikalyq nokaýtpen jeńdi.
