Qazaqstandyq boksshy Jánibek Álimhanuly (6-0, 2 KO) meksikalyq Kristan Olivaspen (16-5, 13 KO) judyryqtasyp, eki titýldyq belbeýdi jeńip aldy, dep xabarlaidy "Ult aqparat".
Jánibek Los-Andjeleste ótken Vasilii Lomachenko - Entoni Krolla arasyndaǵy jekpe-jekttiń anderkartynda judyryqtasyp, tóreshilerdiń sheshimimen Olivastan basym túsip, orta salmaqtaǵy WBO Global jáne WBC Continental Americas belbeýlerin ielendi.
"Jeńisterińiz qutty bolsyn! Bul - meniń ǵana jeńisim emes, sizderdiń de jeńisterińiz! Mynaý meniń alǵashqy on raýndyq jekpe-jegim, bul on raýndta tolyǵymen bokstasyp, jinaǵan tájiribemizdi kórsetip jatyrmyz. Qudai qalasa, aldaǵy ýaqytta qazaq stilin osylai shyńdap, budan da úlken jekpe-jekter ótkizip, jeńiske jetemiz!", - dedi J.Álimxanuly óziniń áleýmettik jelidegi paraqshasynda.
