Búgin, 1 qazan, Halyqaralyq qarttar kúni “Samuryq-Qazyna” kompaniialar tobynyń eriktileri elordada 40 ardager men tyl eńbekkerlerin quttyqtap bardy. SK Volunteer tobynyń músheleri qarttarǵa syilyq jasap, kúzdiń sýyq kúninde jyly sózderimen kóńilderin qýantyp qaitty, dep habarlaidy "Ult aqparat".
Aita ketetin jait, eriktiler sanitarlyq sharalardy saqtai otyryp, árbir qariianyń azyq-túlikten jinalǵan úlken syilyǵyn úiine deiin aparyp, olardyń áńgimelerin tyńdap qaitty.
“Jalpy, bundai aktsiialar tek qarttarymyz úshin emes, jastar úshin de mańyzdy. Óitkeni, osyndai kezdesýler arqyly elimizdiń damýyna úles qosqan zeinet jasyndaǵy adamdarmen sóilesip, tájiribesin estýge múmkindik bar. Sondyqtan buny mindet kórmei, kerisinshe, qarttarymyzben qýana kezdestik”, - deidi eriktilerdiń biri.
Qariialar árine, óz kezeginde “Samuryq-Qazynanyń” jastaryna alǵys aityp, olardyń aldaǵy jumystaryna sáttilik tiledi.
Esterińizge sala keteiik, SK Volunteer eriktiler ligasy “Samuryq-Qazyna” kompaniialar tobynyń meiirimdi qyzmetkerlerin biriktiretin úlken top.
Qordyń eriktileri tórt baǵyt boiynsha jumys isteidi. Birinshisi Qamqor baǵyty - kómekke muqtaj jandarǵa qol ushyn sozady, Umit baǵyty qoǵamdyq eriktilerdi biriktiredi, Asyl mura – Qazaqstannyń tarihyn saqtaýǵa kómektesse, Taza Kazakhstan – tabiǵatty qorǵaityn baǵyt.
