Sinoptikter 25-27 qyrkúiek arasynda Qazaqstanda aýa raiy qandai bolatynyn aitty, dep habarlaidy "Ult aqparat".
Qazgidromet boljamyna sáikes, respýblikanyń basym bóliginde aýa raiy qubylmaly bolady. Buǵan soltústik-batys jáne ońtústik tsiklonnyń birigýi áser etedi. Jańbyr jaýyp, respýblikanyń soltústik jartysy men shyǵysynda jańbyr qarǵa aýysýy múmkin.
Jel kúsheiip, túnde jáne tańerteń tuman túsedi.
Batysta aýa temperatýrasy túnde 7-15°C, kúndiz 15-25°C-tan 10-20°C-qa deiin tómendeidi.
Soltústik-batysta túnde 3 gradýs aiazdan 5-qa, kúndiz 13-23°C-tan pliýs 3-13 gradýsqa deiin tómendeidi.
Eldiń soltústiginde jáne ortalyǵynda túnde synap baǵanasy 2-7 aiazdan 3-8°C jylyǵa deiin, kúndiz 10-20°C-tan 5-13°C deiin jyly bolady.
Shyǵysta aýa temperatýrasy túnde 5 aiaz 5°C jyly, kúndiz 7-17°C jyly bolady.
Eldiń ońtústigi men ońtústik-shyǵysyna kelsek, túnde 5-15°C-tan 10-17°C-qa deiin jyly, kúndiz 25-32°C-tan 18-25°C-qa deiin tómendeidi.
Nur-Sultan qalasynda 25 qyrkúiekte kún ashyq, kúndiz +12°C jyly, túnde -1°C bolady. Al 26 qyrkúiekte kún bultty. Túnde +2°C, kúndiz +10°C jyly. Al 27 qyrkúiekte qar aralas jańbyr jaýady, túnde +2°C, kúndiz + 7°C jyly.
Almatyda 25-26 qyrkúiekte kún ashyq bolady. 25 qyrkúiekte aýa temperatýrasy túnde +9°C, kúndiz +19°C jyly bolady. Al 26 qyrkúiekte túnde +12°C, kúndiz +26°C jyly. Dúisenbide kún bultty, jańbyr jaýady. Túnde +17°C, kúndiz +26°C jyly bolady.
Shymkentte 25-26 qyrkúiekte kún ashyq, túnde +13...+16°C, túnde +31...+34°C jyly bolady. 27 qyrkúiekte jańbyr jaýady, aýa temperatýrasy túnde +18°C, kúndiz +23°C bolady.
