QR Memlekettik Eltańbasynyń avtory Jandarbek Málibekov týǵan jeri - Qyzylorda oblysy Jańaqorǵan aýdanyna qarasty Ekpindi aýylyna arnaiy keldi. Belgili azamat óz jerlesterine baǵaly syilyqtardy tartý etti, dep habarlaidy "Ult aqparat".
Bul shara elimizdiń Tuńǵysh Prezidenti Nursultan Nazarbaevtyń «Bolashaqqa baǵdar: rýhani jańǵyrý» baǵdarlamalyq maqalasy aiasynda júzege asyrylyp keledi. Onda Tuńǵysh Prezident - Elbasy «týǵan jerge, onyń mádenieti men salt-dástúrlerine airyqsha ińkárlikpen atsalysý – shynaiy patriotizmniń mańyzdy kórinisteriniń biri» dep atap kórsetken bolatyn.
Belgili azamat týǵan aýylynyń gúldenýine, ósip-órkendeýine atsalysyp keledi. Búgingi kúnge deiin aýyl ortalyǵynan meshit úiin salýǵa jáne ózge de mańyzdy isterge kóńil bóldi.
Jerlesterimen júzdesý barysynda Jandarbek Málibekov jańa úlgide jasalǵan Eltańbany aýyl ákimine tabystady. Sondai-aq, aýyldaǵy meshit, mektep, kitaphana ujymdaryna qajetti kitaptardy tartý etti.
«Árkimge týǵan jeri ystyq. Adamzat balasy dúniege shyr etip kelgen jerine kindigimen bailanady. «Týǵan jer» degen qasietti uǵymdy tóbemizge qoiyp, qasterleitinimiz de sondyqtan», dedi Jandarbek Málibekov jerlesterimen júzdesý barysynda.
