Bilim jáne ǵylym ministri Orta bilim berý uiymdarynda 2021 – 2022 oqý jylynyń bastalýyn, uzaqtyǵyn jáne kanikýl kezeńderin aiqyndaý týraly buiryqqa qol qoidy, dep habarlaidy "Ult aqparat".
Qujat boiynsha, menshik nysanyna jáne vedomstvolyq baǵynystylyǵyna qaramastan, orta bilim berý uiymdarynda 2021-2022 oqý jylynyń bastalýy, uzaqtyǵy jáne kanikýly kezeńderiniń mynadai merzimderi aiqyndaldy:
1) Jańa oqý jyly ádettegidei 2021 jylǵy 1 qyrkúiekte bastalady.
2) Oqý jylynyń uzaqtyǵy 1-synyptarda – 33 aptaǵa, 2-11 (12)- synyptarda – 34 aptaǵa jetedi.
Kanikýl kezeńderi:
Búkil synyptarda
- kúzgi kanikýl – 7 kún (2021 jylǵy 1-7 qarasha aralyǵynda),
- qysqy – 11 kún (2021 jylǵy 30 jeltoqsan men 2022 jylǵy 9 qańtar aralyǵynda),
- kóktemgi – 12 kún (2022 jylǵy 19-30 naýryz aralyǵynda).
1-synyptarǵa arnalǵan qosymsha kanikýl – 7 kún (2022 jylǵy 7-13 aqpan aralyǵynda) bolyp belgilendi.
