Jańa oqý jylynda 4 aptalyq jazǵy mektep uiymdastyrylady. Bul týraly búgin Úkimet otyrysynda QR Bilim jáne ǵylym ministri Ashat Aimaǵambetov aitty, dep habarlaidy QazAqparat.
«Jańa oqý jylyna daiyndyq josparǵa sáikes júrgizilýde. Oqý jyly dástúrli túrde 1 qyrkúiekte bastalady jáne 34 aptany qamtidy. Sonymen qatar taǵy 4 apta jazǵy mektepti uiymdastyrý josparlandy. Mektepter jelisi jańa mektepterdiń ashylýyna bailanysty ósti. Sonyń ishinde memlekettik mekteptermen qatar, jekemenshik mektepterdiń de sanynyń artqanyn aitqan jón», - dedi Ashat Aimaǵambetov.
Ministrdiń dereginshe, mektepterde 3 mln 600 myńǵa jýyq bala bilim alatyn bolady.
«Kolledjder kontingenti - 470 myń, ýniversitet stýdentteriniń sany 650 myń adam. Jańa oqý jylynyń bastalýy týraly buiryq jáne arnaiy daiyndalǵan ádistemelik nusqaýlyq bekitilip, aimaqtarǵa jiberildi», - dedi ol.
