QR Bas memlekettik sanitariia dárigeri Erlan Qiiasovtyń jańa qaýlysy jariialandy, dep habarlaidy QazAqparat.
Qujatta jazylǵandai, «Ashyq» jobasyna qatysatyn obektiler jumys jáne demalys kúnderi «qyzyl» jáne «qonyr qyzyl» aimaqtarda ornalasqan ónirlerde saǵat 00.00-ge deiin ashyq bolady.
Al joba kóshbasshylary úshin saǵat 02.00-ge deiin jumys isteýge ruqsat berildi.
«Sary» aimaqta ornalasqan oblystardaǵy nysandar saǵat 01.00-ge deiin, joba kóshbasshylary saǵat 03.00-ge deiin jumys isteidi.
«Jasyl» aimaqta ornalasqan ónirlerde saǵat 03.00-ge deiin, «Ashyq» jobasynyń kóshbasshylary úshin saǵat 05.00-ge deiin jumys rejimi belgilendi. Talap boiynsha demalys kúnderi qyzmetkerler men kelýshilerde «jasyl mártebe» bolýy tiis. Dese de «jasyl mártebe» bolýyna jáne jumys rejimin shekteýge qoiylatyn talap oblysaralyq jáne oblysishilik turaqty tasymalǵa, qonaq úilerge, áýejailarǵa, temirjol, avtokólik beketterine, ózen jáne teńiz porttaryna, avtostantsiialarǵa, jolaýshylarǵa qyzmet kórsetý pýnktterine, bilim berý obektilerine, JOO-ǵa, kolledjderge, internattarǵa, bilim berý uiymdarynyń jataqhanalaryna qoldanylmaidy», - delingen qaýlyda.
Meditsinalyq uiymdarda, qarttar men múmkindigi shekteýli adamdarǵa arnalǵan meditsinalyq-áleýmettik obektilerde, balalar úilerinde, áleýmettik ońaltý ortalyqtarynda sanitarlyq-dezinfektsiialyq rejim qatań saqtalýy tiis.
Áleýetti ata-analar berilgen kúninen bastap 3 táýlikten aspaityn ýaqyt ótken, teris nátijesi bar PTR ádisimen COVID-19-ǵa zerthanalyq tekserilgeni týraly qujatty nemese vaktsinanyń tolyq kýrsyn alǵanyn rastaityn qujatty usynǵan kezde jetim balalardy odan ári asyrap alý, qorǵanshylyqty, qamqorshylyqty belgileý úshin balalar úilerine bara alady.
