QR Bas sanitar dárigeri Erlan Qisiaov jańa qaýly boiynsha ásker qataryna shaqyrylǵandardy kazarmada ustaýdyń tártibi bekitildi, dep habarlaidy QazAqparat.
Qaýly boiynsha Qorǵanys ministrligine, Ishki ister ministrligine, Memlekettik kúzet qyzmeti men Ulttyq qaýipsizdik komitetiniń Shekara qyzmetine jeke quram arasynda koronavirýs infektsiiasynyń taralýyna jol bermeitin kelesidei sharalardy saqtaý júktelgen.
1) áskeri bólimderge kelgennen keiin áskerge kelýshilerdi 14 táýlikke oqshaýlaýdy, olardyń shaqyrylǵan óńirleri boiynsha bólekteý;
2) áskerge kelýshilerdi ornalastyrý úshin oryndar daiyndaý;
3) áskerge kelýshilerdiń monshaǵa, kir jýý oryndaryna, basqa da ortaq paidalanylatyn oryndarǵa keste boiynsha kirip-shyǵýyn uiymdastyrý, jeke quramnyń basqa bólimdermen basqa bailanysty boldyrmai, tamaqtanýdy uiymdastyrý;
4) jeke quram arasynda COVID-19-dyń taralý táýekelin tómendetý boiynsha algoritmdi saqtaý;
5) jeke quram arasynda COVID-19 aýrýy jaǵdailary anyqtalǵan kezde jáne oshaqta epidemiiaǵa qarsy is-sharalar júrgizý, syrqattanýshylarmen bailanysta bolǵandarǵa, simptomsyz aýrý nysandary bar adamdardy meditsinalyq baqylaý.
Qujat 6 qyrkúiek kúni saǵat 0.00-den bastap kúshine enedi. Qaýlynyń tolyq mátinin myna jerden kórýge bolady.
