Jambyl oblysynda bolǵan tótenshe jaǵdai týraly jalǵan aqparat taratqan jas jigit ustaldy, dep habarlaidy "Ult aqparat" Ishki ister ministrliginiń baspasóz qyzmetine silteme jasap.
«Jambyl oblysyndaǵy jarylystar týraly áleýmettik jelilerde jalǵan aqparat taratqan azamat ustaldy. 27 tamyzda internet jelisine monitoring júrgizý barysynda Instagram jelisinde belgisiz bireýdiń daýystyq súiemeldeýmen video jariialaǵany anyqtaldy. Er adamnyń aitýy boiynsha Baizaq aýdanynda ornalasqan áskeri bólimniń aýmaǵynda bolǵan jarylystardy onyń qýatyna bailanysty joiý múmkin emes, kóptegen zardap shekkender, onyń ishinde dene músheleri bólshektenip qalǵandar da bar degen. Bul aqparat shyndyqqa sáikes kelmeidi», - delingen habarlamada.
IIM málim etkendei, jedel-izdestirý sharasy barysynda politsiia qyzmetkerleri oblystyń 26 jastaǵy turǵynyn anyqtap, ustady jáne kúdikti óz kinásin tolyq moiyndaǵan.
«Atalǵan fakti boiynsha QR QK-niń 274-baby 2-bóliginiń 3-tarmaǵy «Qoǵamdyq tártipti buzý, buqaralyq aqparat quraldaryn nemese telekommýnikatsiia jelilerin paidalaný qaýpin týdyratyn jalǵan aqparat taratý» boiynsha sotqa deiingi tergeý júrgizilýde. Mundai qylmysty jasaǵany úshin úsh jylǵa deiin bas bostandyǵynan aiyrý jazasy qarastyrylǵan», - deidi vedomstvodan.
Sondai-aq, resmi habarlamada QR QIJK 201-babyna sáikes sotqa deiingi tergeý áreketteri júrgizilýine bailanysty qosymsha aqparattyń jariialaýǵa bolmaityndyǵy aitylǵan.
