Sondai-aq I dárejeli "Aibyn" ordenimen Jambyl oblysy tótenshe jaǵdailar departamenti órt sóndirý jáne avariialyq-qutqarý jumystary qyzmeti № 3 órt sóndirý bóliminiń qaraýyl bastyǵy Zaikin Sergei Vladimirovich (marqum), qorǵanys ministrligi № 28349 áskeri bólimi saqtaý (injenerlik-oq dárilerdi) bólimshesiniń bastyǵy – aǵa ofitseri Qyrǵyzáliev Erlan Rysqulbekuly (marqum) nagradtaldy.
III dárejeli "Aibyn" ordenimen nagradtaldy:
Tótenshe jaǵdailar ministrligi Jambyl oblysy tótenshe jaǵdailar departamenti órt sóndirý jáne avariialyq-qutqarý jumystary qyzmeti № 4 órt sóndirý bóliminiń órt sóndirýshisi-qutqarýshysy Ábilbek Ádilet Qanatbekuly (marqum);
Tótenshe jaǵdailar ministrligi Jambyl oblysy tótenshe jaǵdailar departamenti órt sóndirý jáne avariialyq-qutqarý jumystary qyzmeti № 4 órt sóndirý bóliminiń órt sóndirýshisi-qutqarýshysy Keńes Álibi Beksultanuly (marqum);
Tótenshe jaǵdailar ministrligi Jambyl oblysy tótenshe jaǵdailar departamenti órt sóndirý jáne avariialyq-qutqarý jumystary qyzmeti № 1 mamandandyrylǵan órt sóndirý bóliminiń avtomobil júrgizýshi-qyzmetkeri Qýatbek Ǵafan Jomartuly (marqum);
Tótenshe jaǵdailar ministrligi Jambyl oblysy tótenshe jaǵdailar departamenti órt sóndirý jáne avariialyq-qutqarý jumystary qyzmeti № 1 mamandandyrylǵan órt sóndirý bóliminiń órt sóndirýshisi-qutqarýshysy Turmanov Jánibek Jasuzaquly (marqum).
Jarlyq qol qoiylǵan kúninen bastap qoldanysqa engiziledi.
Buǵan deiin Toqaev jarylys kezinde qaza tapqan 10 adamdy memlekettik nagradlarmen marapattaý týraly jarlyqqa qol qoidy.
Eske sala keteiik, 26 tamyz keshke Jambyl oblysynyń áskeri bólimindegi qoimada órt bastalyp, bir saǵattan keiin qoimada oq-dáriler jaryla bastady. Kem degende 10 jarylys bolǵan.
Jaqyn mańdaǵy aýyldardyń 1 200-ge jýyq turǵyny qaýipsizdik maqsatynda Tarazǵa kóshirildi. Oqiǵadan keiin qorǵanys ministri bolǵan Nurlan Ermekbaev otstavkaǵa ketti, onyń ornyna Murat Bektanov taǵaiyndaldy. Qaiǵyly oqiǵa boiynsha tergeý júrgizilip jatyr. Jarylys saldarynan 17 adam qaza boldy.
