Densaýlyq saqtaý ministri Aleksei Tsoi Taraz qalasynyń aýrýhanasyna baryp, Baizaq aýdanyndaǵy №28349 áskeri bóliminiń oq-dári qoimasyndaǵy jarylystan zardap shekkenderdi emdeý jaǵdaiymen tanysty, dep habarlaidy "Ult aqparat".
Tótenshe oqiǵaǵa bailanysty Taraz qalasyna ushyp kelgen ministr Aleksei Tsoi jarylystan zardap shekkender em alyp jatqan palatalar men reanimatsiia bólimshelerin aralap, dárigerlermen jáne klinika basshylyǵymen birge naýqastardyń jaǵdaiyn talqylady.
«Barlyǵy 98 azamat meditsinalyq kómekke júgindi. Olardyń 37-si aýrýhanaǵa jatqyzyldy, qalǵandary jaraqat pýnktterinde tiisti kómek alyp, úilerine jiberildi. Patsientterdiń báriniń jaǵdaiy turaqtanyp, shok jaǵdaiynan shyqty, olarǵa naqty em kórsetilip jatyr», - dedi Aleksei Tsoi.
Vedomstvonyń resmi saityndaǵy málimetke súiensek, Taraz qalasynyń statsionarlarynda jatqan 37 zardap shegýshiniń beseýi reanimatsiiada, ekeýiniń jaǵdaiy aýyr.
«70 naýqas ambýlatoriialyq emdeýge aýystyryldy. Jarylys saldarynan zardap shekken adamdarǵa meditsinalyq kómek kórsetý úshin 37 jedel meditsinalyq kómek jáne sanitarlyq aviatsiia brigadasy jumyldyryldy Ulttyq shuǵyl meditsinany úilestirý ortalyǵy aýyr haldegi reanimatsiiadaǵy patsientterge meditsinalyq kómek kórsetý boiynsha telekonsýltatsiia ótkizdi. Búgin tańerteń Almaty qalasynan sondaǵy №4 jáne №7 qalalyq aýrýhanalardyń reanimatolog, kombýstiolog travmatolog dárigerlerinen turatyn meditsinalyq aviatsiianyń mobildi brigadasy ushyp keldi», - dep jazady ministrliktiń saity.
Sapar sońynda Aleksei Tsoi zardap shekkenderge der kezinde meditsinalyq kómek kórsetken dárigerlerge alǵys bildirgen.
«Ol oblysta naýqastardy emdeýge bailanysty problemalyq máseleler joq ekenin atap ótti. Densaýlyq saqtaý ministrligi tarapynan da barlyq qajetti qoldaý kórsetiletin bolady», - delingen resmi málimette.
