Jambyl oblysynda qaitys bolǵan órt sóndirýshilerdiń otbasylaryna memlekettik nagradalar tabys etildi, dep habarlaidy "Ult aqparat" Tótenshe jaǵdailar ministrligine silteme jasap.
Qazaqstan Prezidenti Qasym-Jomart Toqaev Jambyl oblysynda áskeri qoimadaǵy órtti sóndirý barysynda qaitys bolǵan qutqarýshylar men áskeri qyzmetshilerdi marapattady.
Shymkent qalasyna jumys saparymen barǵan Tótenshe jaǵdailar ministri Iýrii Ilin jáne qala ákimi Murat Áitenov Jambyl oblysy TJD Órt sóndirý jáne avariialyq-qutqarý jumystary qyzmeti №1 mamandandyrylǵan órt sóndirý bóliminiń órt sóndirýshisi-qutqarýshysy Turmanov Jánibek Jasuzaqulynyń aǵasyna III dárejeli «Aibyn» ordenin tabys etti. Shara túske deiin Shymkent qalasy Tótenshe jaǵdailar departamentinde ótti.
Tústen keiin Iýrii Ilin Jambyl oblysynyń Taraz qalasyna bardy. Tótenshe jaǵdailar ministri men oblys ákimi Berdibek Saparbaev Jambyl oblysy TJD Órt sóndirý jáne avariialyq-qutqarý jumystary qyzmetiniń qaitys bolǵan órt sóndirýshileriniń týystaryna memlekettik nagradalardy tabystady.
Áskeri jáne qyzmettik boryshyn atqarýda kórsetken erligi men janqiiarlyǵy úshin marqum Zaikin Sergei Vladimirovich Jambyl oblysy TJD Órt sóndirý jáne avariialyq-qutqarý jumystary qyzmeti № 3 órt sóndirý bóliminiń qaraýyl bastyǵy I dárejeli «Aibyn» ordenimen, № 4 órt sóndirý bóliminiń órt sóndirýshileri-qutqarýshylary Ádilbek Ádilet Qanatbekuly men Keńes Álibi Beksultanuly, № 1 mamandandyrylǵan órt sóndirý bóliminiń avtomobil júrgizýshisi-qyzmetkeri Qýatbek Ǵafan Jomartuly III dárejeli «Aibyn» ordenimen marapattaldy.
Sharaǵa qatysýshylar jarylys saldarynan qaitys bolǵan órt sóndirýshilerdi bir minýt únsizdikpen eske aldy.
Iýrii Ilin Jambyl oblysynda bolǵan qaiǵyly oqiǵa saldarynan qaitys bolǵan órt sóndirýshilerdiń týǵan-týystaryna kóńil aitty. Ministr óz sózinde azamattyq qorǵaý organdarynyń qyzmetkerleri olardyń otbasylaryna aldaǵy ýaqytta da qoldaý kórsetetinin, al balalary Tótenshe jaǵdailar ministrliginiń Málik Ǵabdýllin atyndaǵy Azamattyq qorǵaý akademiiasyna túsýge niet bildirse, kómek kórsetiletinin atap ótti.
Eske sala keteiik, 26 tamyzda Jambyl oblysynyń áskeri qoimalardyń birinde jarylys boldy. Jarylys saldarynan qaza tapqandar sany on jeti adamǵa jetti. Onyń ishinde 10 azamattyq qorǵaý organdarynyń qyzmetkeri, Qorǵanys ministrliginiń 6 áskeri qyzmetkeri jáne bir áskeri prokýror bar.
