Jambyl oblysyndaǵy jarylystan qaza tapqandar sany 12-ge jetti, - dep habarlaidy "Ult aqparat" Tótenshe jaǵdailar ministrliginiń baspasóz qyzmetine silteme jasap.
«Jambyl oblysyndaǵy jarylystan qaza tapqandar sany on eki adamǵa jetti. Naqtylanǵan málimetter boiynsha, Jambyl oblysyndaǵy jarylys saldaryn joiý kezinde qaza tapqan taǵy úsh adamnyń denesi tabyldy. Qyzmetkerlerdiń jeke basy anyqtalýda. Jalpy oqiǵa saldarynan Tótenshe jaǵdailar ministrliginiń 50-ge jýyq qyzmetkeri túrli dárejede dene jaraqat alǵan», - dep jazylǵan ministrliktiń resmi málimetinde.
Jarylystan jalpy sany 98 adam jaraqat aldy. Joǵalǵandardy izdestirý jumystary jalǵasyp jatyr.
Densaýlyq saqtaý ministrliginiń resmi málimetine súiensek, Taraz qalasynyń statsionarlarynda em alyp jatqan zardap shegýshiniń beseýi reanimatsiiada, ekeýiniń jaǵdaiy aýyr.
Búgin Prezident Qasym-Jomart Toqaev tótenshe oqiǵaǵa bailanysty shuǵyl jinalys ótkizdi.
Jinalys qorytyndysy boiynsha tótenshe jaǵdaidyń saldaryn joiý úshin vedomstvoaralyq memlekettik komissiia qurylyp, oǵan Premer-Ministrdiń orynbasary Roman Skliar basshylyq etetin boldy.
