Jambyl politseileri Almaty qalasynda ańshy dúkenin tonaǵandardy ustady, dep habarlaidy QazAqparat Polisia.kz saityna silteme jasap.
7 qańtar kúni Qordai aýdanyndaǵy «Almaty-Tashkent» kúre jolynda politsiia qyzmetkerleri memlekettik tirkeý nómirinsiz júrgen Subaru Forester kóligin toqtatty. Kólikti tekserý kezinde ishinen 12-shi kalibrli qarýdyń 10 danasy, 1 pnevmatikalyq tapansha jáne ańshylyqqa arnalǵan jabdyqtar tabyldy.
Tergeý barysynda kóliktiń 24 jastaǵy júrgizýshisi men 27 jastaǵy jolaýshy Almaty qalasyndaǵy jappai tirtipsizdikter kezinde ańshylyq dúkenin tonaǵany belgili boldy.
Qazirgi kezde kúdiktiler ýaqytsha qamaý oqshaýlaǵyshyna qamaldy. QR Qylmystyq kodeksiniń 291-babynyń 3-bólimimen sot aldyndaǵy tergeý amaldary júrgizilýde.
Qoǵamdyq tártipti qamtamasyz etý maqsatynda Qordai aýdanynyń eki blok beketinde politsiianyń 100-ge jýyq qyzmetkeri men áskeri qyzmetker táýlik boiy qyzmet etýde.
