Jambyl oblysynda áskeri qoima jarylysynan zardap shekkender sany 60-qa jetti, - dep habarlaidy Tengrinews.kz tilshisi óńir ákimdiginiń ókilderine silteme jasap. Buǵan deiin 32 adam zardap shekkeni habarlanǵan.
Qalalyq aýrýhanaǵa jetkizilgen zardap shekkenderdiń sany 60 adamǵa deiin kóbeidi, olardyń ishinde 11 áskeri qyzmetshi.
"Taraz qalasynyń №1 qalalyq aýrýhanasyna túrli jaraqattarmen 60 adam tústi, onyń ishinde 11 áskeri adam (saýalnama málimetteri naqtylanýda)", - delingen ákimdik habarynda.
Al evakýatsiialanǵan eldi mekenderdi politsiia kúzetip, qaraqshylyqqa jol bermeýdiń amalyn jasap jatyr.
