Qazirgi ýaqytta Baizaq aýdanynyń Qainar, Botamoinaq, Jibek Joly aýyldary men Úshbulaq stansasynyń turǵyndary – shamamen 1200 adam Taraz qalasyndaǵy mektepterge evakýatsiialandy, dep habarlady IIM baspasóz qyzmeti.
Eriktiler olarǵa sý tasyp jatyr.
Ishki ister ministriniń tapsyrmasy boiynsha turǵyndardy evakýatsiialaýǵa jáne qoǵamdyq tártipti qamtamasyz etýge Jambyl oblysy politsiia departamentiniń 300 politsiia qyzmetkeri men 47 avtokólik ekipajy, sondai-aq Ulttyq ulannyń 520 áskeri qyzmetkeri jumyldyryldy.
Oqiǵa bolǵan jerge aparatyn joldar, onyń ishinde avtokólik joldary men "Taraz-Almaty" temirjoly ýaqytsha jabyldy.
Jambyl oblysyndaǵy áskeri qoimada órt shyǵý faktisi boiynsha Qazaqstan Qylmystyq kodeksiniń 462-baby boiynsha sotqa deiingi tergeý bastaldy.
Qoǵamdyq tártipti kúzetý jáne tonaýǵa jol bermeý maqsatynda evakýatsiialanǵan eldi mekenderdi qorshap, patrýldeý jumystary uiymdastyryldy.
Ishki ister ministrligi sondai-aq tekserilmegen nemese jalǵan aqparat taratqandar jaýapqa tartylatynyn eskertti.
