Jambyl jáne Shyǵys Qazaqstan oblystaryndaǵy tabiǵi órt toqtatyldy, dep habarlaidy "Ult aqparat" QR IIM Tótenshe jaǵdailar komitetiniń baspasóz qyzmetine silteme jasap.
«18 shilde kúni Jambyl oblysy Moiynqum aýdany Qarabóget aýylynan 50 shaqyrym jerde, «Moiynqum orman jáne janýarlar dúniesin qorǵaý jónindegi mekemesi» KMM aýmaǵynda bastalǵan, 44632 ga jerdi qamtyǵan qumdy jerdegi qurǵaq shóp pen sekseýildiń janýy 2020 jyldyń 24 shilde saǵat 14:50-de sóndirildi», - dep habarlady Tótenshe jaǵdailar komitetiniń baspasóz qyzmeti.
Tilsiz jaýdy aýyzdyqtaýǵa 198 adam jáne TJD, orman sharýashylyǵy jáne erikti órtke qarsy qurylymynan 48 adam jumyldyryldy.
Sonymen qatar, Shyǵys Qazaqstan oblysy, Ulan aýdany Manat aýylynan 11 shaqyrym jerde «Asý-Bulaq orman sharýashylyǵy» KMM aýmaǵynda 23 shilde kúni bastalǵan, 22 ga jerdi sharpyǵan orman órti 24 shilde saǵat 16:30-da sóndirildi.
Órt sóndirýge «Asý-Bulaq orman sharýashylyǵy» KMM-niń 104 jumysshysy men 11 tehnika jumyldyryldy.
