Kórneki sýret: depositphotos.com
Sarbazdyń ólimine qatysty qylmystyq istiń egjei-tegjeiin aitqan advokat etikany buzdy dep aiyptaldy, - dep habarlaidy Tengrinews.kz saity.
Ishki ister ministrliginiń habarlaýynsha, 20 qańtarda áskerge shaqyrylýshynyń óz-ózine qol jumsaý faktisi boiynsha zańger Serjan Piráliev baspasóz konferentsiiasyn ótkizgen.
"Piráliev óz tujyrymdary men shyndyqqa sáikes kelmeitin jalǵan aqparatty aityp, qylmystyq istiń derekterin jariia etti. Sonymen birge QPK-niń 201-babyna sáikes, sotqa deiingi tergep-tekserý derekteri jariia etilmeidi. Osyǵan bailanysty advokattyń qyzmettik etika normalaryn buzý faktisi boiynsha materialdar qylmystyq qýdalaý organynda belgilengen tártippen tirkelip, ýákiletti organ - Qazaqstan Respýblikasy Ádilet ministrligine qyzmettik tergeý júrgizý úshin joldandy", - delingen habarlamada.
Eske salaiyq, 2022 jylǵy 19 tamyzda atyraýlyq áskeri qyzmetshi óz-ózine qol jumsaǵany belgili boldy. Qyzylqoǵa aýdany Miialy aýylynyń 18 jastaǵy týmasy Bekbol Mirash Jambyl oblysyndaǵy "Shóldala" shekara bólimshesinde áskeri boryshyn ótep jatqan. Al marqumnyń týystary óz-ózine qol jumsaǵanyna senbeidi. Keiin qyrkúiekte sarbazdyń ólimine qatysty kúdikti ustalǵanyn habarladyq. Ol ýaqytsha ustaý izoliatoryna qamalǵan edi.
