Jýrnalist Mihail Kozachkov Telegram-arnasynda Jambyl oblysy Merke aýdanynda jergilikti avtomektep aýmaǵynda 10-synyp oqýshylary arasynda tóbeles bolǵanyn, saldarynan bir jasóspirim oqiǵa ornynda kóz jumǵanyn jazdy.
Stan.kz aqparat agenttiginiń habarlaýynsha, 13 mamyrda Jambyl oblysy Merki aýdany ortalyq aýrýhanasynan Sypatai batyr aýylyndaǵy úilerdiń biriniń janynan kámeletke tolmaǵan balanyń máiiti tabylǵany týraly habarlama tústi.
Jasóspirimniń ólimi boiynsha sotqa deiingi tergep-tekserý amaldary bastalyp, saraptamalar taǵaiyndaldy.
"Politsiia qyzmetkerleri izin sýytpai, kámeletke tolmaǵan balany ustap, ýaqytsha ustaý izoliatoryna qamaqqa aldy. Sonymen qatar onyń sýyq qarýdy zańsyz alyp júrgenine qatysty sotqa deiingi tergeý amaldary júrgizilip jatyr", – dep habarlady Jambyl oblysy politsiia departamentiniń baspasóz qyzmeti.
