© Sputnik / Tabyldy Kadyrbekov
Qorǵanys ministrligi Jambyl oblysy Gvardeisk garnizonynda áskeri bólim ofitseriniń ózine qol jumsaǵanyn habarlady. Oqiǵa 22 qarashada bolǵan.
«Biyl 22 qarashada Gvardeisk garnizonyndaǵy áskeri bólimniń ofitseri A. ózine qol saldy. Qaitys bolǵan jigittiń óler aldynda jazǵan haty tabyldy. Qazirgi ýaqytta atalǵan fakti boiynsha tergeý júrgizilip jatyr. Tergeý múddesi men týystarynyń ótinishine qarai ózge aqparat jariialanbaidy», - dedi ministrliktiń baspasóz qyzmetinen.
Orda.kz saitynyń habarlaýynsha, Jambyl oblysy Qordai aýdany Otar aýylyndaǵy garnizonda istegen áskeri qyzmetker "júregine oq atqan". Qaza bolǵan adamnyń Semeiden ekeni habarlandy. Sońǵy hatynda áskeri qyzmetker "ata-anasy men komandirlerinen keshirim suraǵan".
