Jambyl oblysynda jaǵdai turaqtaldy. Ahýal jergilikti biliktiń qurǵan jedel shtabynyń qatań baqylaýynda, dep habarlaidy QazAqparat.
Oblys ortalyǵy Taraz qalasynda terrorlyq shabýylǵa tosqaýyl qoiylyp, on shaqty qarýly qylmyskerdiń kózi joiylyp, 269 búlikshi ustaldy. 20 qylmystyq is qozǵaldy. 104 ákimshilik is qozǵaldy.
Jalpy, 15 adam qaza tapty. Onyń 2-i quqyq qorǵaý organdarynyń qyzmetkerleri.
Ákimdikti órtegen belsendi 4 adam ustalyp, 2 Kalashnikov avtomaty tárkilendi.
Qarýlanǵan topqa qarsy Politsiia, UQK departamentteri men «Ońtústik» áskeri qolbasshylyǵynyń 2000-nan astam qyzmetkeri, 100-den astam arnaiy tehnikasy jumyldyryldy.
7 politsei jaraqat alsa, onyń ishinde 2-ine oq tigen. 100-den astam qyzmettik kólik zardap shekti.
283 adam dárigerler kómegine júgingen, onyń 42-si aýrýhanada jatyr.
Temirjol vokzalynda 23.00-den keiin poiyzdan túsetin jolaýshylardy arnaiy kezekshi avtobýstar tasymaldaidy.
Qylmyskerlerdi ustaý, jedel izdestirý sharalary jalǵasýda.
Oblys boiynsha 29 blok-beket jumys isteýde, onyń ishinde Taraz qalasynyń kiris-shyǵys qaqpalaryna 10 blok-beket qoiylǵan. Barlyq kólikter tekserilýde. Búgingi tańda olarǵa 4 ret shabýyl jasalǵan.
Blok-beketterde shetel, basqa óńirlerden kelgen kólikteri anyqtalýda.
Búlikshiler oblys ákimdiginiń, «Nur Otan» partiiasy filialynyń jáne politsiia departamentiniń ǵimarattaryn órtegen.
Zaqym kelgen nysandardy qalpyna keltirý jumystary bastaldy. Zardap shekken áleýmettik nysandar joq.
Óńirde qoǵamdyq tynyshtyqty saqtaý boiynsha jergilikti bilik pen erikti halyqtyń, qoǵam belsendileriniń birlesken jumysy jalǵasýda.
TJ beketi, áýejai, áskeri qoimalar, «Ámir jáne D» áskerilerdiń qorǵaýynda.
Sondai-aq, mańyzdy strategiialyq nysan bolyp tabylatyn Qordai aýdany Otar áskeri qalashyǵyndaǵy Biologiialyq qaýipsizdik problemalary ǴZI áskerilermen qorǵalýda.
Kommýnaldyq qyzmetter turaqty jumys istep jatyr.
