Jalpyulttyq sanaq arqyly alynǵan azamattardyń málimeti Ulttyq qaýipsizdik komitetinde saqtala ma? Ulttyq statistika biýrosynyń basshysy Nurbolat Aidapkelovke Ortalyq kommýnikatsiialar qyzmetinde ótken brifingide osyndai suraq qoiyldy, dep habarlaidy QazAqparat.
«Joq, sanaq derekteri bizdiń serverlerde saqatalady. Biraq derekterdiń qaýipsizdigi men tasymaldanýy arnaiy organdar qoiyp otyrǵan talaptardyń bárine sai. Bul jerde qaýipsizdik turǵysynan ǵana organdar talap qoiatynyn aityp otyrmyn», - dedi biýro basshysy.
Resmi derek boiynsha, eki aptada Halyq sanaǵynyń onlain kezeńine qatysqandardyń sany 3 mln adamnan asqan.
«Halyq sanaǵy bastalǵan kúnnen bastap eki apta ótti. Ózderińiz biletindei, qazirgi ýaqytta ol tek onlain rejimde ótip jatyr. Sanaq suraqtaryna jaýap berýdi birneshe tásili bar. Bul - arnaiy Sanaq.gov.kz saityn, eGov portalynda avtorzatsiialaný arqyly, Aitu mobildik qosymshasyn paidalaný múmkindigi bar. Búgingi saǵat 14.00-degi jaǵdai boiynsha, sanaqtan 3 mln 24 myń azamat ótti», - dedi Nurbolat Aidapkelov.
