Atyraý soty jemqorlyq jasady degen kúdikke ilingen oblys ákiminiń orynbasary Baqytgúl Hamenova nege úiqamaqqa alynǵanyn túsindirdi, dep habarlaidy Sputnik Qazaqstan.
"Sot kúdiktiniń jalǵyzbasty áiel ekenin, Atyraýda turǵylyqty mekenjaiy baryn, qylmystyq qýdalaý organdarynan jasyrynbaǵanyn jáne buryn sottalmaǵanyn eskerdi. Ol kishkentai eki balasyn jalǵyz ózi tárbieleidi, qart anasyn baǵyp-qaǵyp otyr", - dep málimdedi Atyraý mamandandyrylǵan tergeý soty.
Osyǵan bailanysty sot Hamenovaǵa qatysty úiqamaqqa alý túrinde bultartpaý sharasyn tańdaý qajet degen qorytyndyǵa kelgen.
Buǵan qosa, qylmystyq qýdalaý organy sotqa Hamenovanyń bostandyqta isti tergeýge kedergi keltiretinin nemese qylmystyq protsess qatysýshylaryna qysym kórsetetinin dáleldeitin aiǵaq usynǵan joq. Budan bólek sot kúdikti tergeý men sottan qasha almaidy dep sheshti.
Eske salsaq, Atyraý oblysy ákiminiń orynbasary Baqytgúl Hamenovaǵa qatysty is Qylmystyq kodekstiń 366-baby 2-bóligi "Qomaqty kólemde para alý" boiynsha tergelip jatyr.
Sheneýnikti Atyraýǵa Nur-Sultannan arnaiy kelgen sybailas jemqorlyqqa qarsy kúres agenttiginiń bir top qyzmetkeri ustaǵan bolatyn.
