Jalǵan vaktsina pasportyn satyp alǵandarǵa qaita ekpe alý múmkindigi berile me? Bul suraqqa ortalyq kommýnikatsiialar qyzmetinde Densaýlyq saqtaý ministriniń orynbasary Marat Shoranov jaýap berdi, dep habarlaidy QazAqparat.
«Densaýlyq saqtaý ministrligi birinshi kezekte halyqty immýndaýdy sapaly júrgizýge múddeli. Sondyqtan ondai olqylyqtardyń jolyn barynsha qatań túrde kesýimiz kerek. Ózderińiz bilesizder, Ishki ister ministrligimen birlesken jumys júrip jatyr. Óńirlerdiń bárinde derlik jalǵan vaktsina pasportyn jasaǵan meditsina qyzmetkerleriniń ústinen qylmystyq is qozǵaldy. Vaktsina pasportyn zańsyz jolmen satyp alý áreketterimen áli de kúrese beremiz», - degen vitse-ministr ázirge jalǵan vaktsina pasporty bar azamattardan qaita ekpe alý týraly ótinish túspegenin aitty.
«Bir kezde zańsyz tásilgen júgingen, endi naǵyz vaktsina alǵysy keletinderge qatysty aitsaq, búginde bizge ondai ótinimder kelgen joq. Júgingen jaǵdaida ondai azamattarmen jumys isteýge daiynbyz. Biraq bul jerde birqatar normativtik-zańnamalyq máselelerdi atqarýymyz kerek. Iaǵni, tiisti quzyrly organdardyń tiisti maquldaýy kerek. Biryńǵai sheshim shyqqan kezde ol týraly málimdeimiz», - dedi Marat Shoranov.
