© Sputnik / Aleksei Vovk
Jalǵan aqsha jasaǵan qazaqstandyq azamatty bas prokýratýra men qarjylyq monitoring agenttiginiń qyzmetkerleri, Qazaqstannyń Grýziiadaǵy elshiliginiń kómegimen ekstraditsiialady.
Kúdikti jalǵan banknottardy saqtaǵany ári memleket shekarasy arqyly ótkizgeni úshin aiyptalyp otyr.
"Ol 2024 jyly Túrkiia Respýblikasynan jalǵan banknottardy ákelip, Qazaqstan aýmaǵynda ótkizdi degen kúdikke ilingen. Qylmys jasaǵannan keiin kúdikti jasyrynyp, oǵan halyqaralyq izdeý jariialandy. Osy jyldyń mamyrynda ol Grýziia aýmaǵynda ustalyp, Qazaqstan Respýblikasy Bas prokýratýrasynyń suraýy boiynsha otanyna ekstraditsiialandy", - delingen habarlamada.
Qazirgi ýaqytta kúdikti tergeý izoliatoryna qamaldy. Qylmys jasaǵany úshin múlki tárkilenip, bes jyldan on jylǵa deiin bas bostandyǵynan aiyrý túrindegi jaza kózdelgen.
