Koronavirýs infektsiiasynyń simptomsyz túri anyqtalǵan naýqas ambýlatoriialyq jaǵdaida meditsinalyq baqylaýǵa alynyp, úiinde (úi karantini) oqshaýlanady. "Ult aqparat" osy rette nazarlaryńyzǵa QR Densaýlyq saqtaý ministrligi daiyndaǵan koronavirýs infektsiiasynyń simptomsyz túri boiynsha patsientterge arnalǵan jadynamany usynady.
Úi karantininde jatqan adamǵa nusqaýlyq:
- Úiden shyqpaý kerek.
- Jótel nemese túshkirý kezinde aýyz ben muryndy jabý kerek. Virýstyń taralýyna jol bermeý úshin bir rettik mailyqty paidalaný kerek. Osydan keiin birden qoldy sabyndap jýyp, spirttik negizdegi antiseptikpen súrtý kerek. Meditsinalyq maskany nyǵyz jabystyra taǵyp, eki saǵat saiyn aýystyryp otyrý qajet.
- Tamaq isher aldynda, sonymen birge dárethanadan keiin qoldy sabyndap jýyp, spirttik negizdegi antiseptikpen súrtýdi umytpaý kerek. Qoldy súrtý úshin múmkindiginshe bir rettik mailyqty paidalaný kerek.
- Jeke paidalanatyn ydyspen tamaq ishý kerek.
- Denede qyzý nemese ózge de jaisyzdyqty sezingen jaǵdaida COVID-19 boiynsha koll-ortalyqqa habarlasqan nemese ótinim sebebin túsindire otyryp, jedel járdem shaqyrǵan durys.
Úi karantininde bolǵan jaǵdaida qashyqtan monitoringteýdi qamtamasyz etý úshin myna sharttar oryndalýy tiis:
- Úi karantinindegi adam smartfonyna Smart Astana mobildik qosymshasyn ornatyp, qosymshaǵa barlyq ruqsatty (GPS, WIFI, Bluetooth) berý kerek.
- «Men karantindemin» rejimin qosyp, úi karantini bitkenshe ony óshirmeýi kerek.
- Telefon árdaiym óshpei, internetke qosylyp turýy kerek.
- Mobildik qosymsha árdaiym belsendi túrde nemese uialy telefon betindegi rejimde turýy tiis (qosymshanyń istep turǵanyn habarlandyrýlar nemese mártebe vidjetinen kórip otyrýǵa bolady).
- Úi karantini qyzmetin paidalaný kezinde qoldanýshy GPS, Bluetooth nemese WIFI rejimin óshirmeýi tiis.
Úi karantini qamtamasyz etilgen otbasyndaǵy adamdarǵa nusqaýlyq:
- Bógde adamdardyń úige kirýine tyiym salynýy kerek.
- Karantin bólmesine kirer kezde meditsinalyq maskany nyǵyzdap, muryn men aýyzdy jaýyp turatyndai kiiý kerek. Eger meditsialyq maska kirlep nemese dymqyldanyp ketse ony jańa maskaǵa aýystyrý qajet. Meditsinalyq maskany sheshken kezde tiisti tehnikany umytpai, aldyńǵy bóligin ustamaý kerek.
- Otbasyndaǵy adamdardyń dene qyzýyn kúnine 2 ret ólshegen jón.
- Bólmeni kúnine eki ret jeldetken durys.
- Dymqyl tazalyqty kúndelikti júrgizý kerek
- Qoldy sabynmen jii jýyp, antiseptikpen súrtip otyrý kerek. Qoldy súrtken kezde bir rettik mailyqty paidalanǵan abzal.
- Dymqyl tazalyqty kúndelikti júrgizý kerek
- Qoldy sabynmen jii jýyp, antiseptikpen súrtip otyrý kerek. Qoldy súrtken kezde bir rettik mailyqty paidalanǵan abzal.
- Otbasynyń árbir múshesi jeke tazalyq úshin bólek ydysty paidalanýy tiis.
- Jótel nemese túshkirý kezinde aýyz ben muryndy jabý kerek. Virýstyń taralýyna jol bermeý úshin bir rettik mailyqty paidalaný kerek. Osydan keiin birden qoldy sabyndap jýyp, antiseptikpen súrtý kerek.
- Otbasyndaǵy árbir adamnan dene qyzýy nemese jaisyzdyq baiqalsa COVID-19 boiynsha koll-ortalyqqa habarlasý nemese ótinim sebebin túsindire otyryp, jedel járdem shaqyrý qajet.
