SES jahandyq spýtniktik operatordyń bas atqarýshy direktory Stiv Kollar Qazaqstandaǵy aýyldarda internetti qamtamasyz etý josparyn aitty, dep habarlaidy QazAqparat tilshisi.
«Biz ǵarysh indýstriiasymen ainalysyp kelemiz jáne bul sala mańyzdy baǵyttardyń biri. Indýstriiada KazSat-pen jáne basqa da seriktestermen birge ózekti sanalatyn salany igerip kelemiz. Sondyqtan óte baǵaly tehnikalyq tájiribeni zerdelep jatyrmyz», - dedi Stiv Kollar Digital Bridge halyqaralyq tehnologiialyq forýmynda.
Sonymen qatar ol internetpen qamtamasyz etý boiynsha qazaqstandyq tarappen birlesken jumys josparlaryna toqtaldy.
«Forým barysynda 600 aýyl (Qazaqstanda) internetpen tiisti deńgeide qamtylmaǵany aityldy. Biz osy oraida bul baǵyttaǵy jumysttardy rettei alamyz. Ǵaryshtyń múmkindigin paidala otyryp, kez kelgen kontingentti ári eldi mekendi qamtýǵa bolady. Qazaqstanda osy jumystardy qalai iske asyramyz? Ony jergilikti kompaniialarmen seriktestik arqyly júrgizemiz. Biz sońǵy býyndaǵy tiisti spýtnikterdi paidalanbaqpyz», - dedi S. Kollar.
«KazSat kompaniiasymen ornatqan seriktestik úshin alǵys bildirgim keledi. Bizdiń tapsyrys berýshiler qandai da bir tehnologiialarmen shektelmegen. Sondyqtan biz tetikterdi tańdaý kezinde ikemdi qadamdardy iske asyra alamyz», - dedi ol.
