Foto ashyq derekkózden alyndy
Astanadaǵy meshitterdiń birinde er adam sharýashylyq qyzmetkerin pyshaqtap ketti. Bul týraly Qazaqstan musylmandary Dini basqarmasynyń baspasóz hatshysy Aǵabek Qonarbaiuly habarlady.
"Aýyr jaraqat alǵan meshit qyzmetkeri dárigerlerdiń baqylaýynda. Jaǵdaiy aýyr.
Meshittiń sharýashylyq jumystaryn júrgizetin qyzmetkerdi sýyq qarýmen jaraqattaǵan kúdikti ustaldy. Buryn sottalǵan. Qazir tergeý jumystary júrgizilýde. Bolǵan oqiǵa sebepteri anyqtalyp jatyr.
Aldyn ala jetken málimetter boiynsha qylmystyq oqiǵaǵa otbasylyq qaqtyǵystar, dálirek aitqanda kúdikti azamat pen onyń áieli arasyndaǵy daý-janjaldar sebep bolǵan" - dep jazdy ol Facebook-tegi paraqshasynda.
QMDB ókili buqaralyq aqparat quraldary ókilderine qosymsha resmi málimet beriletinin atap ótti.
