Foto: t.me/KZgovernment
Premer-ministrdiń birinshi orynbasary Roman Skliar Ekibastuzdaǵy jylýǵa qatysty qazirgi jaǵdaiǵa pikir bildirdi, - dep habarlaidy Tengrinews.kz saity.
Parlamenttik tyńdaýlar kýlýarynda Roman Skliar ótken aptada úkimettik komissiia Ekibastuzǵa barǵanyn aitty.
"Jaǵdai aitarlyqtai kúrdeli. Ókinishke qarai, byltyrǵy jelidegi apat stantsiia jumysyn teńgerimsiz etti. Eger buryn energetikter tilimen aitqanda, aptasyna 1-2 "toqtaý" bolsa, qazir bir, eki nemese úsh qazandyq kúnde isten shyǵyp, kún saiyn qalpyna keltirilip jatyr. Byltyr bul jumystarmen jóndeý brigadasynyń 15 adamy ainalyssa, qazir bul máselemen "Trest Sredazenergomontaj", sondai-aq basqa da uiymdardan tartylǵan 130 adam ainalysyp jatyr. Olar 65 adamnan turatyn eki aýysymmen jumys isteidi", - dedi premer-ministrdiń orynbasary.
Ol temperatýra kórsetilgen kórsetkishterden 10-20 paiyzǵa tómen ekenin atap ótti.
Bul rette parlamenttik tyńdaýda senator Altynbek Nuhuly energetika ministri Bolat Aqsholaqovtan Ekibastuzdaǵy jylý júielerine tehnikalyq aýdit nege keshiktirilip jatqanyn jáne aýqymdy jóndeý jumystaryn júrgizý úshin qansha aqsha qajet ekenin surady.
Ministr Memleket basshysynyń tapsyrmasy boiynsha tekserý sharalary qabyldanyp jatqanyn jáne jumys naýryzdyń aiaǵyna deiin júrgiziletinin aitty. Qazandyqtarǵa qajetti jáne páterlerge jylý jetkizýge qajetti qarajattyń kólemi zertteý suraqtarynan keiin bekitiledi.
"Birikken top bar, 137 nysannyń barlyǵyn tekserip jatyrmyz. Birinshi toqsan bitkenshe qorytyndysyn jariialaimyz. Ekinshi másele, aýqymdy jóndeý jumystaryna qansha qarajat kerek, árine, eskeremiz. Jumystyń bir bóligi - aýdit protsedýralary. Soma, árine, aitýǵa bolady, biraq anyq emes. Meniń oiymsha, bul somany birinshi toqsannyń aiaǵynda, naýryzdyń aiaǵyna deiin qosymsha usynamyz. Al stantsiiaǵa qatysty "OAEK" AQ ókili qarjy bóle me, joq pa, ony qaraimyz. Shyndyǵynda, jylý júielerin jóndeýdi qamtamasyz etý turǵysynan qazir nusqalardy qarastyryp jatyrmyz, qandai joldarmen nemese ol óz qarajatyn kepilge qoiýy múmkin. Qazir kelissózder júrgizip jatyrmyz", - dep jaýap berdi Bolat Aqsholaqov.
