kórneki foto: Halyq Uni
BJZQ óz salymshylary men alýshylaryna alaiaqtardyń áleýmettik jelilerde jalǵan aqparat taratýynyń jiilep ketken jaǵdailary týraly málimdeme jasady, - dep habarlaidy "Ult aqparat".
"Jalǵan deldaldar ózderin Qordyń qyzmetkerleri retinde tanystyryp, zeinetkerlerge aqysyn tólese, zeinetaqy jinaqtarynyń 50 paiyzyn kez-kelgen maqsatta jumsaýǵa alyp berýdi usynyp júr. Bul aqparat "jalǵan" jáne shyndyqqa sáikes kelmeidi", - delingen habarlamada.
Qazaqstan Respýblikasynyń zańnamasynda zeinetkerlerdiń mindetti zeinetaqy jarnalary (budan ári – MZJ) jáne (nemese) mindetti kásiptik zeinetaqy jarnalary (budan ári – MKZJ) esebinen qalyptastyrylǵan ózderiniń zeinetaqy jinaqtaryn turǵyn úi jaǵdailaryn jaqsartý jáne (nemese) emdelýge aqy tóleý maqsatynda paidalanýy:
eger zeinetaqy mólsheri alýshynyń ortasha ailyq tabysyn Qazaqstan Respýblikasynyń Úkimeti aiqyndaǵan tártippen belgilenetin 40 paiyzdan tómen emes deńgeidegi almastyrý koeffitsientimen qamtamasyz etý kózdelgen. Bul rette birjolǵy zeinetaqy tólemi ýákiletti operatordan alǵashqy elektrondyq habarlamany alǵan kúni salymshynyń (alýshynyń) MZJ jáne (nemese) MKZJ esebinen zeinetaqy jinaqtary mólsheriniń 50 paiyzynan aspaýǵa tiis.
Osyǵan bailanysty BJZQ áleýmettik jelilerde jáne basqa da aqparat kózderinde taratylyp júrgen, joǵaryda atalǵan sharttardy eskermei, aqyly túrde jinaqtardyń 50 paiyzyn alý múmkindigi týraly habarlamalardy elemeýge qatań keńes beredi.
BJZQ júrgizetin barlyq operatsiia tegin jasalady.
"BJZQ úshinshi tulǵalarǵa habarlaspaýdy jáne aqparatty tek enpf.kz resmi saitynan nemese Qordyń áleýmettik jelilerdegi resmi paraqshalarynan ǵana tekserip, kóz jetkizgen durys ekenin eskertedi.
Kez kelgen aqyl-keńesti BJZQ bólimshelerinen nemese bailanys ortalyǵynyń 1418 nómirine qońyraý shalý boiynsha kóp arnaly tegin bailanys arqyly qashyqtan, sondai-aq, "Odnoklassniki", "Telegram", "Facebook", "Vkontakte", "Twitter" jáne "Instagram" siiaqty tanymal platformalardaǵy áleýmettik jelilerdegi resmi paraqshalary arqyly, +7 777 000 1418 nómiri boiynsha WhatsArp kómegimen tegin alýǵa bolady.
Qazaqstan Respýblikasynan tys jerlerdegi salymshylar (alýshylar) úshin +7 (727) 356-10-60 nómiri boiynsha nemese Qordyń korporativtik saitynda ornalastyrylǵan "Onlain qońyraý shalý" servisi arqyly keńes alý múmkindiginiń bar ekenin de eskertemiz", - delingen habarlamada.
