Jetisý oblysynda esirtkiniń iri partiiasyn ári qarai taratpaq boldy degen kúdikpen 19 jastaǵy jas jigit ustaldy, dep habarlaidy ult.kz.
Polisia.kz málimetinshe, jedel aqparatty tekserý barysynda Kóksý aýdanynyń Balpyq bi aýylynda janarmai quiý stantsiialarynyń biriniń mańynda Daewoo kóligi toqtatylǵan. Kólik ishinde kórshiles óńirdiń 19 jastaǵy turǵyny bolǵan.
Avtokólikti tintý kezinde skotchpen oralǵan paket tabylǵan. Onyń ishinen ári qarai taratýǵa daiyndalǵan untaq tárizdi zat salynǵan 310 orama tárkilendi.
Saraptama nátijesinde tárkilengen zattardyń quramynan psihotroptyq jáne esirtki zattary anyqtaldy. Atap aitqanda, 65 gramnan astam mefedron, 79 gramnan astam α-PVP jáne shamamen 17 gramm gashish bolǵan.
Osylaisha, politsiia esirtki men psihotroptyq zattardyń iri partiiasynyń ári qarai taralýyna jol bermedi.
Kúdikti ustalyp, qamaýǵa alyndy. Qazir atalǵan derek boiynsha sotqa deiingi tergeý júrip jatyr. Tergeý barysynda tyiym salynǵan zattardyń qaidan alynǵany, olardy taratý arnalary jáne istiń ózge de mán-jailary anyqtalýda.
Politsiia esirtki zattarynyń zańsyz ainalymy qylmystyq jaýapkershilikke ákep soǵatynyn eskertti.
