Astana turǵynyn jeke ómirine qatysty málimetterdi jariialaimyn dep qorqytyp, odan 17,6 mln teńgeden astam aqsha bopsalaǵan er adam 7 jylǵa bas bostandyǵynan aiyryldy, dep habarlaidy ult.kz.
Sot materialdaryna sáikes, sottalýshy jábirlenýshiniń jeke ómirine qatysty málimetterdi paidalanyp, olardy jariialaitynyn aityp, psihologiialyq qysym kórsetken. Bopsalaýdy kúsheitý maqsatynda ol messendjerde ózin quqyq qorǵaý organdarynyń qyzmetkeri retinde tanystyrǵan jalǵan akkaýnt ta ashqan.
Sottalýshy osy akkaýnt arqyly jábirlenýshini aqsha berýge májbúrlep, tólem jasalǵan jaǵdaida ózi týraly málimetterdi taratpaýǵa ýáde bergen.
Qorqytýdyń shyndyqqa ainalýynan qaýiptengen jábirlenýshi oǵan jalpy somasy 17,6 mln teńgeden astam aqsha bergen.
Sot otyrysynda memlekettik aiyptaýshy sottalýshynyń kinásin dáleldeitin tiisti dáleldemelerdi usyndy. Nátijesinde er adam 7 jylǵa bas bostandyǵynan aiyryldy.
Úkim áli zańdy kúshine engen joq.
