Pavlodar oblysynda Jasybai kólinde sýǵa batyp bara jatqan 67 jastaǵy er adam qutqaryldy. Bul týraly oblystyq tótenshe jaǵdailar departamenti habarlady, dep habarlaidy ult.kz.
Oqiǵa kezinde kól jaǵasynda demalyp júrgen turǵyndar sýda júrgen adamnyń kómekke muqtaj ekenin baiqap, birden 112 qyzmetine habar bergen.
Shaqyrtý boiynsha oqiǵa ornyna jedel jetken qutqarýshylar qaiyqpen sýǵa shyǵyp, 1959 jyly týǵan er adamdy arnaiy júzý quralynyń kómegimen jaǵaǵa alyp shyqqan.
TJD málimetinshe, jaǵada zardap shegýshige birden reanimatsiialyq kómek kórsetilip, keiin ol jedel járdem qyzmetkerlerine tapsyrylǵan.
Vedomstvo azamattardy sý aidyndarynda demalý kezinde qaýipsizdik talaptaryn qatań saqtaýǵa, óz múmkindigin durys baǵalaýǵa jáne tek arnaiy jabdyqtalǵan ári shomylýǵa ruqsat etilgen oryndarda ǵana sýǵa túsýge shaqyrdy.
