Ǵylym jáne joǵary bilim ministrliginde jas ǵalymdarǵa turǵyn úi bólý jónindegi Respýblikalyq komissiianyń otyrysy ótti. Jiynda Astana men Almaty qalalarynan páter alatyn jas ǵalymdardyń tizimi bekitildi, dep habarlaidy ult.kz.
Ministrlik málimetinshe, jas ǵalymdardy baspanamen qamtý jumysy kezeń-kezeńimen júzege asyp jatyr. Bul bastama olardyń áleýmettik jaǵdaiyn jaqsartýǵa, ǵylymi-zertteý jumysyna qolaily jaǵdai jasaýǵa jáne jas kadrlardy ǵylym salasynda ustap qalýǵa baǵyttalǵan.
Sonymen qatar 2023–2027 jyldarǵa arnalǵan jas ǵalymdardy jeńildetilgen nesieleý baǵdarlamasy jalǵasyp keledi. Joba Ǵylym jáne joǵary bilim ministrligi men «Otbasy bank» arasynda 2023 jylǵy 19 qazanda jasalǵan yntymaqtastyq týraly kelisim negizinde júzege asyrylýda.
Ministrliktiń aitýynsha, jas ǵalymdardy turǵyn úimen qamtamasyz etý – olardyń kásibi jáne áleýmettik damýyna jaǵdai jasap, Qazaqstandaǵy ǵylymi qyzmettiń tartymdylyǵyn arttyrýǵa baǵyttalǵan memlekettik qoldaý sharalarynyń biri.
Biyl tórt jas ǵalymǵa páter sertifikaty tabystaldy. Baspana jas zertteýshilerdi qoldaý jáne ǵylymdy damytý jónindegi Memleket basshysy Qasym-Jomart Toqaevtyń tapsyrmasyna sáikes berildi.
