Shyǵys Qazaqstan oblysynda altyndy zańsyz óndirý áreketiniń joly kesildi, dep habarlaidy ult.kz.
Politsiia quramynda altyny bar shikizatty zańsyz óndirýmen jáne óńdeýmen ainalysqan toptyń qyzmetine tosqaýyl qoidy. IIM málimetinshe, qaskóiler bir JShS-niń zańdy qyzmetin búrkemelep áreket etken.
Jedel is-sharalar barysynda 63 adam ustaldy, olardyń arasynda shemanyń boljamdy uiymdastyrýshylary men jetekshileri bar.
Ustalǵandar arasynda óńir aýmaǵynda zańsyz jumys istep kelgen 13 shetel azamaty da bar.
IIM Uiymdasqan qylmysqa qarsy kúres departamentiniń ókili Qýandyq Alpystyń aitýynsha, tintý kezinde politseiler birneshe avtokólik pen arnaiy tehnikany, iri kólemde aqshalai qarajatty (onyń ishinde 40 myń AQSh dollarynan astam), quramynda altyny bar shikizatty, altyndy, sondai-aq qujattar men basqa da zattai aiǵaqtardy tárkiledi.
Aldyn ala málimetter boiynsha, paidaly qazbalardy zańsyz óndirý qorshaǵan ortaǵa aitarlyqtai ziian keltirgen.
Saldarynan topyraq qabaty men tabiǵi landshaft buzylyp, jer ýchaskelerine zaqym kelgen. Ekologiialyq zalaldyń kólemin qazirgi ýaqytta taǵaiyndalǵan saraptamalar aiasynda mamandar anyqtap jatyr.
Baǵaly metaldardyń zańsyz ainalymy deregi boiynsha sotqa deiingi tergeý bastaldy. Sonymen qatar qorshaǵan ortaǵa ziian keltirýge qatysty basqa da yqtimal qylmystar tekserilip jatyr Tergeý qorytyndysy boiynsha túpkilikti quqyqtyq saraptama jasalady.
"Qazirgi ýaqytta jasalǵan qylmystyń barlyq mán-jaiyn anyqtaýǵa, quqyqqa qaishy shemanyń ózge de qatysýshylaryn áshkereleýge, sondai-aq barlyq qatysy bar adamdy zańmen belgilengen jaýapkershilikke tartýǵa baǵyttalǵan tergeý jáne jedel is-sharalar kesheni júrgizilip jatyr", - dep atap ótti QR IIM Uiymdasqan qylmysqa qarsy kúres departamentiniń ókili Qýandyq Alpys.
Buǵan deiin Abai oblysy Jarma aýdany aýmaǵynda baǵaly metaldardy óndirý boiynsha zańsyz qyzmettiń joly kesilgeni habarlanǵan. QMA aýqymdy arnaiy operatsiianyń videosyn jariialady. Zańsyz áreket barysynda topyraq qabaty, sonyń ishinde qunarly qabat jappai búlingen. Altyn tústes metall, jýý jabdyqtary, arnaiy tehnika men avtokólikter tárkilendi.
