Jańa kólik satyp alý ádette onyń jiyntyǵyna qaraýdan nemese qozǵaltqyshynyń qýatyn baǵalaýdan bastalmaidy. Kóbine aldymen qarapaiym suraq týyndaidy: maǵan naqty qai kólik laiyq?
Bireýler úshin bul – alǵashqy kólik. Sondyqtan kóp shyǵyndy talap etpeitin zamanaýi avtokólikke ie bolǵysy keledi. Bireýler kún saiyn qala ishinde kólik júrgizetindikten, yqsham ári únemdi model izdeidi. Otbasy úshin kóliktiń keń ári jaily bolǵany mańyzdy bolsa, rólde kóp ýaqyt ótkizetinder tehnologiialarǵa, qolailylyq pen qaýipsizdikke mán beredi. Sonymen qatar kez kelgen derlik satyp alýshy úshin eń bastysy – bul tańdaýdyń uzaq merzimdi perspektivada qanshalyqty tiimdi ári oryndy bolatynyn túsiný.
Sondyqtan búgin belgili bir sipattamalar jiyntyǵy bar kólikten góri, kúndelikti birneshe qajettilikti qatar ótei alatyn modelderge qyzyǵýshylyq joǵary. Chevrolet Onix – dál osyndai nusqalardyń biri.
«Jańa kólik alǵym keledi, biraq qajet emes dúnielerge artyq aqsha tólegim kelmeidi»
Kólik tańdaǵanda jumsalǵan ár teńgeniń barynsha paida ákelgenin qalaisyz. Sondyqtan kóliktiń jekelegen múmkindikterinen góri, jalpy múmkindikteri men baǵasynyń qanshalyqty úilesimdi ekeni mańyzdy.
Chevrolet Onix zamanaýi dizaindy, tehnologiialyq jabdyqtalýdy, praktikalyq ári únemdilikti úilestire otyryp, birneshe jinaqtalý nusqasyn usynady. Bul óz qajettilikterińizge sai kólikti tańdaýǵa múmkindik beredi, iaǵni zamanaýi tehnologiialar men kúndelikti tiimdiliktiń birin tańdaýdyń qajeti joq.
Dál osy úilesim Onix-ti jańa kólikke bir sáttik qyzyǵýshylyqpen emes, birneshe jylǵa eseptep tańdaityndar úshin tartymdy nusqa etedi.
«Maǵan qalaǵa arnalǵan kólik kerek, biraq ishi tar bolmasa deimin»
Qalalyq kólik tyǵyz qozǵalys kezinde de, avtoturaqqa qoiǵanda da yńǵaily bolýy kerek. Alaida yqsham ólshemder salondaǵy keńistikke qolaisyzdyq ákelmeýi tiis.
Bul turǵyda Onix tiimdi format usynady: yqsham ólshemderi keń salonmen jáne kólemi 469 litrge deiin jetetin júksalǵyshpen úilesedi.
Nátijesinde bul kólik kúndelikti qala ishindegi saparlarǵa da, uzaq jol júrýge de birdei qolaily. Onymen jumysqa baryp, kúndelikti sharýalardy atqaryp, saýda jasaýǵa nemese qala syrtyna saiahat josparlaýǵa bolady — kólik tek bir ǵana maqsatqa arnalǵandai áser qaldyrmaidy.
«Jai ǵana qatynas quraly emes, zamanaýi kólik mingim keledi»
Búginde temir tulpar — ózimizge úirenshikti tsifrlyq keńistiktiń zańdy jalǵasy. Mýzyka, navigatsiia, qońyraýlar men basqa da qyzmetter eshqandai artyq áreketsiz-aq qoljetimdi bolýy tiis.
Chevrolet Onix modelderi Apple CarPlay men Android Auto qoldaýy bar mýltimedia júiesimen, symsyz qýattaǵyshpen, krýiz-baqylaýmen, artqy kórinis kamerasymen, avtoturaq datchikterimen jáne kiltsiz iske qosý júiesimen jabdyqtalǵan.
Iaǵni, mundaǵy tehnologiialar qur aty bar, zaty joq fýnktsiia retinde emes, kúndelikti saparlaryńyzdy barynsha jaily etý úshin qyzmet atqarady.
«Qazaqstanda turamyn — kólik bizdiń aýa raiymyzǵa sai bolýy kerek»
Avtomobil elimizdegi avtoónerkásiptiń eń iri kásiporyndarynyń biri — Qostanaidaǵy Allur zaýytynyń óndiristik qýatynda shyǵarylady. Kásiporynda 3 500-den astam adam eńbek etedi, al zaýyttyń jalpy óndiristik qýattylyǵy jylyna 127 myń avtokólikke deiin jetedi.
Qazaqstandyqtar óz otandastaryna arnap kólik qurastyrǵanda, bul temir tulpardyń temperatýranyń kenet qubylýy men aiazdy mezgil siiaqty mańyzdy faktorlar eskeriletin ortada aidalatynyn jaqsy túsinedi. Sondyqtan Onix óndirisi shaǵyn torapty qurastyrý (CKD) ádisimen uiymdastyrylǵan. Iri torapty qurastyrýǵa qaraǵanda, CKD jergilikti zaýyttyń óndiris protsesine barynsha tereń aralasýyn qamtamasyz etedi. Bul bizdiń joldar men aýa raiynyń barlyq erekshelikterin eskerýge múmkindik beredi.
Oryndyqtardy, búiirlik ainalardy, artqy áinekti jáne áinek tazalaǵysh júiesin jylytý siiaqty fýnktsiialardyń qadirin qysta erekshe túsinesiń. Jinaqtalýyna qarai Onix sýyq mezgilde jaily júrip-turýǵa arnalǵan sheshimder keshenin usynady. Bul — sipattamadaǵy qur jai sóz emes, kúndelikti jailylyqtyń ajyramas bóligine ainalatyn sát.
«Kólikti kútip-ustaý qaltamdy qaqpasa eken deimin»
Temir tulpardy satyp alǵan soń da shyǵyn munymen toqtamaidy. Janarmai, tehnikalyq qyzmet kórsetý jáne kúndelikti júris-turys ta biýdjettiń bir bóligine ainalady.
Bul rette Onix janarmaidy únemdep jumsaýǵa baǵyttalǵan: kóliktiń nusqasyna bailanysty aralas tsikldegi kórsetilgen shyǵyny 100 shaqyrymǵa shamamen 4,7–4,8 litrdi quraidy. Árine, naqty kórsetkish jol jaǵdaiyna, aýa raiyna jáne júrgizý mánerine bailanysty bolady, degenmen avtomobildiń qurylymynyń ózi tiimdi paidalanýǵa arnalyp jasalǵan.
Kúndelikti qala ishinde kóp júretinder úshin bul jańa kólik tańdaýdaǵy basty ýájderdiń birine ainalady.
«Men úshin ádemi fýnktsiialar tiziminen góri qaýipsizdik mańyzdyraq»
Zamanaýi kólik tek syrttai tartymdy ári jaily bolyp qana qoimai, júrgizýshige joldaǵy jaǵdaidy tolyq baqylaýda ustaýǵa kómektesýi tiis.
Chevrolet Onix ABS júiesimen, ESC baǵyttyq turaqtylyqty elektrondy baqylaý júiesimen, shinadaǵy qysymdy baqylaý datchikterimen, qaýipsizdik jastyqshalarymen jáne ISOFIX bekitkishterimen jabdyqtalǵan. Jinaqtalýyna bailanysty artqy kórinis kamerasy men avtoturaq datchikteri de qarastyrylǵan.
Osylaisha kúndelikti kólikke qajetti taǵy bir mańyzdy faktor — tizgindegi senimdilik sezimi qalyptasady. Al jartylai avtomatty avtoturaq júiesi artyq bas aýrýynan aryltady. Endi eń qarbalas sátte kólik qoiýdan qinalamyn ba dep ýaiymǵa salynýdyń qajeti joq – Onix bul máseleni de ózi sheship beredi.
«Biraq óz tańdaýymnan qatelespegenimdi qalai túsinýge bolady?»
Tehnikalyq sipattamalardy kestede salystyryp, jinaqtalýyn katalogtan zerttep shyǵýǵa bolady. Degenmen, attap ótýge bolmaityn taǵy bir mańyzdy kórsetkish bar — ol satyp alýshylardyń naqty tańdaýy.
Chevrolet Onix Qazaqstan naryǵyna 2023 jyly shyqty jáne alǵashqy kúnnen-aq jurtshylyqtyń nazaryn aýdardy. Osy ýaqyt ishinde 14 000-nan astam avtomobil satyldy.
Bul sandardyń artynda san túrli maqsaty bar myńdaǵan adam tur: bireýine eń alǵashqy jańa kólik qajet bolsa, endi biri zamanaýi modelge aýysqysy kelgen, al taǵy bireýi otbasymen kúndelikti júrip-turý úshin tańdaǵan.
Onix-tiń basty ereksheligi de osynda bolsa kerek: ony tek bir ǵana erekshe sipattamasy úshin emes, birden birneshe mańyzdy qajettilikti ótei alatyny úshin tańdaidy.
Bir avtomobil — ártúrli ómirlik stsenariiler
Alǵashqy kólik úshin qoldanýdyń qarapaiymdylyǵy men qoljetimdiligi mańyzdy. Qala ishine — yqshamdylyq pen únemdilik. Otbasy úshin — keńdik pen tiimdilik. Kúndelikti saparlar úshin — jailylyq pen tehnologiialar. Uzaq merzimdi paidalaný úshin — senimdilik, qaýipsizdik jáne tiimdi shyǵyndar.
Chevrolet Onix osy stsenariilerdiń barlyǵyn bir avtomobil boiyna toǵystyrady.
Sondyqtan jańa kólik tańdaýdaǵy suraq ta ýaqyt óte kele «qai modeldi satyp alsam eken?» degennen góri praktikalyq turǵydaǵy: «kóligim qandai fýnktsiialardy atqarýy kerek?» degenge aýysady.
Eger bul suraqqa berer jaýabyńyz — artyq ymyrasyz zamanaýi dizain, jailylyq, tehnologiia, qaýipsizdik, únemdilik pen tiimdilik bolsa, onda Chevrolet Onix — birinshi kezekte qarastyrýǵa turarlyq tańdaýlardyń biri.
Myńdaǵan qazaqstandyq bul tańdaýdy jasap qoidy. Bálkim, endigi kezek sizde shyǵar?
