Jambyl oblysynda óz áriptesiniń úiine eki márte zańsyz kirip, altyn áshekeilerin urlaǵan muǵalimge sot úkimi shyqty, dep habarlaidy ult.kz.
Is materialdaryna sáikes, jábirlenýshi de mektepte muǵalim bolyp jumys isteidi. Ótken jyly onyń týǵan inisi úidiń kiltin suraǵan sátte áriptesi kilttiń qaida saqtalǵanyn baiqap qalǵan.
Birneshe kúnnen keiin kúdikti jumystan erterek shyǵyp, kiltti alyp, áriptesiniń úiine kirgen. Alǵashqy joly altyn alqa men saqinany urlap ketken. Eshkim kúmándanbaǵan soń, araǵa birneshe kún salyp qaita kelip, taǵy bir altyn alqa men bilezikti qoldy qylǵan.
Sot áieldi 3 jylǵa bas bostandyǵynan aiyrý týraly úkim shyǵardy. Alaida onyń 14 jasqa tolmaǵan qyzy bar bolǵandyqtan, jaza óteý merzimi qyzy 14 jasqa tolǵanǵa deiin 3 jylǵa keiinge qaldyryldy.
