Jambyl oblysynda politseiler 8,5 keli marihýana tasymaldady degen kúdikke ilingen júrgizýshini ustady, dep habarlaidy ult.kz.
Polisia.kz málámetinshe, oblystyq prokýratýranyń úilestirýimen Shý alqabynan elimizdiń ózge óńirlerine esirtki tasymalynyń jolyn kesýge baǵyttalǵan mobildi toptar turaqty jumys istep keledi. Jyl basynan beri olardyń kómegimen esirtkini basqa óńirlerge jetkizýdiń segiz arnasy anyqtalyp, toqtatylǵan.
"Qarasora – 2026" jáne "Kanal – Iantarnyi bereg" respýblikalyq jedel-profilaktikalyq is-sharalary aiasynda Jambyl oblysy politsiia departamentiniń qyzmetkerleri Shý – Qainar tasjolynda VAZ-21213 avtokóligin toqtatyp, teksergen.
Tintý barysynda kólikten qapqa salynǵan, jalpy salmaǵy 8 keli 500 gramm marihýana tabylyp, tárkilendi. Arnaiy operatsiiaǵa "Búrkit" arnaiy maqsattaǵy jasaǵynyń qyzmetkerleri men Heppi esimdi qyzmettik-izdestirý iti jumyldyrylǵan.
Atalǵan derek boiynsha asa iri mólsherdegi esirtki zattaryn ótkizý maqsatynda zańsyz saqtaý jáne tasymaldaý faktisi boiynsha sotqa deiingi tergeý bastaldy. Qazirgi ýaqytta istiń barlyq mán-jaiyn anyqtaýǵa baǵyttalǵan tergeý áreketteri jalǵasýda.
