Elordada ótip jatqan Álemdik jáne dástúrli dinder kóshbasshylary sezi hatshylyǵynyń HIH otyrysynda din ókilderi pandemiianyń dini ahýalǵa tiigizgen áseri týraly oi bólisti, dep habarlaidy QazAqparat.
«Biz qalaimyz ba, joq pa, biraq álemde sońǵy eki jylda ózgerister boldy jáne ony baiqamaý múmkin emes. Pandemiia áleýmettik protsesterge aitarlyqtai áser etti. Aýrýdyń bar ekenin, onyń aýyr asqynýlar beretinin joqqa shyǵarý aqymaqtyq. Men muny ózim sezingendikten aityp otyrmyn. Biraq bul jaǵdaidy keide múddelerge paidalaný kezdesetinin baiqamaý múmkin emes. Kóbinese adamnyń quqyqtary men bostandyqtary, qozǵalys bostandyǵy, qoǵamdyq ómir shektelip jatady. Temir quraldar qnsha minsiz bolsa da, jandy qarym-qatynas pen qol alysýdyń jylýyn almastyra almaidy. Búkil álemdegi lokdaýndar adamnzaty oqshaýlanýǵa májbúr etti», - dedi Dúniejúzilik liýteran federatsiiasynyń ókili, Qazaqstandaǵy Evangeliialyq-liýterandyq shirkeýdiń arhiepiskopy Iýrii Novgorodov.
Onyń aitýynsha, ulttyq jáne dini bólinisterden basqa, vaktsina alǵan jáne vaktsina almaǵan taptardyń bólinisi órshi me degen qaýip bar.
«Qabyldanyp jatqan sharalardyń kóbi mańyzdy jáne qajet ekenine senimdimin. Sonymen qatar, olardyń aqylǵa syiymdylyǵy jáne jetkiliktiligi, shamadan tys bolmaýy jáne qoǵam men adami qarym-qatynastyń quldyraýyna ákelmeýi mańyzdy. Biz sezimizdiń jumysynda memleket qairatkerlerimen, saiasatkerlermen dialogtyń qajettiligi týraly aitqan bolatynbyz. Óitkeni olardyń qolynda biliktiń naqty tetikteri bar jáne olar álemde bolyp jatqan kóptegen protsesterge qyqpal etedi. Biraq saiasatkerlerge de, memleketterge de baǵynbaityn, sóz bostandyǵynyń deńgeiin derbes anyqtaityn jáne osy sóz bostandyǵyna ie bola alatyn basqa kúsh paida bolǵanyn joqqa shyǵarý qiyn», - dedi arhiepiskop.
Din ókiliniń sózinshe, osy protsesterdiń bári ómir súrý jaǵdaiyna, dástúrlerge jańa moral, tyń ádep ákelip otyr.
«Progreske qarsy turý - aqymaqtyq. Biraq onyń yqtimal keri áserlerine bei-jai qaraý múmkin emes. Belgili bir jańa normalar qalyptasqany anyq. Bul jańa másele qandai bolmaq? Munyń bári bizge jáne bizdi ókili etip otyrǵan qaýymdastyqtarǵa bailanysty», - dedi Iýrii Novgorodov.
