IýNESKO-da Aýǵanstandaǵy oqiǵalardy muqiiat baqylap, eldiń bai mádeni murasyn saqtap qalý úshin qoldan keler barlyq áreketter jasalýda. Bul týraly QazAqparat BUU jańalyqtary saityna silteme jasap habarlaidy.
Aita ketsek, 20 jyl buryn, iaǵni 2001 jyldyń aqpan aiynda tálibter Aýǵanstannyń ortalyq bóligindegi Bamian ańǵaryndaǵy Býddanyń eki alyp músinin jaryp jibergen bolatyn.
Tálibter bul músinderdi «putqa tabyný» nysandary dep atady. Bizdiń dáýirimizdiń VI ǵasyrynda tasqa oiyp jazylǵan Bamian músinderi IýNESKO-nyń Dúniejúzilik murasy tizimine engizilgen edi.
Uiymnyń Bas direktory Odre Azýle Aýǵanstandaǵy mádeni murany saqtaý salasynda jumys isteitin mamandardyń qaýipsizdik jaǵdaiyn qurý qajettiligin atap ótti. Ol mádeni eskertkishterdi saqtap qalýǵa árekettenip júrgen mamandar Aýǵanstannyń ulttyq birligi men áleýmettik qurylymyn qoldaýda mańyzdy ról atqaratynyn aitty.
Aita keteiik, Aýǵanstanda ejelgi Gerat, Minaret qalasy, Djemdegi arheologiialyq qazbalar, Bamian ańǵaryndany mádeni landshaft, sondai-aq Kabýldaǵy Ulttyq murajai siiaqty mádeni bai nysandar bar.
